රමණි

වැඩිමල්  උඹ
වදිද්දි  මට
අතේ කරගැට
ඇනී පාවල
මගෙ ගෙල වට
වෙද  නලාවේ
බර
දැනුනා මට

eyes

අභූත චෝදනාව

ඔයා වෙනුවෙන් ඕන කට්ටක් 
කන්නෙමියි යැයි කිවු  ඔයා 
නිදයි දුරකථනයේ නද නොවිමසා .
දන්නවා  මම ,,,
දුෂ්කරයි දින, මහන්සියි සිත. 
නින්ද ඇවිදින් දෑස් පිව්වට 
වැරැද්දක් නැති උනත් ඇත්තට 
රත්තරන් , 
හැමදාම  මට හිතෙනවා දුක.

දමයන්ති ; " කෑමොර නොදී හිටපන් පැත්තකට වෙලා කිරි දෙන්ට අම්මෙක් නෑ හෙට ඉදලා"

" කෑමොර  නොදී  හිටපන්

පැත්තකට වෙලා

කිරි දෙන්ට  අම්මෙක්

නෑ  හෙට  ඉදලා"

ඇතිදැඩි  කරන්නට උඹ  හෙට  මඩමකට

දෙන  හින්දයි  නොබැලුවේ  මුව උපන් විට.

අප්පා  උඹේ  කව්දැයි මම නොදත්තට

වාවා  ගන්ට  බැරි  වෙයි  මගෙ  පුතේ  මට.

දස මස  කුස දරද්දී  ලෝකෙන් කල  නින්දා

පුරුදුයි අපිට  දැන්  ලජ්ජා  නැති  හින්දා.

ඉපදුන  හැටි නෙවෙයි මේ  වැරදුන හින්දා.

උඹවත්  හඩු  ගැහෙයි  අම්මා  මන්  හින්දා.

නොබැරි  නමුත්  උඹ ඇති දැඩි  කරන්නට

කරදඩු  උඹේ  උස්‌  වේගන  එන  දාට

තාත්තා  උඹේ  සිල්  රෙදි  ඇන්දාට

වෛර  කරයි  උඹ  අබිසරු  අම්මාට.

"කෑමොර  නොදී  හිටපන් කොළු

පැත්තකට වෙලා

කිරි දෙන්ට  අම්මෙක් ......

නෑ  උඹට හෙට  ඉදලා. "